Teh Talua by Rina Permadi

TE TALUA (Minuman ala Si Urang Awak)

Talua ayam kampuang ciek atau duo bulieh juo talua itiak, ambiak kuniangnyo sajo
Usahoan mambalah kulik talua jadi duo bagian sahinggo sirah no dituka2 latak dari saparo sarang nan ciek ka sarang nan ciek laih sampai habih putiah no tapi pertahankan jan sampai kuniangnyo tu pacah.

Ambiak galeh nan sabana kariang
Indak buliah basah atau baru dilap
Harus yakin galeh sabana kariang
Pangocok talua ko sebaiknyo pakai lidi karambia agak 20 buah trus dikabek jo kajai
Ijan ambiak lo sapu lidi di laman, ambiak nan fresh dari batang karamie, biasonyo di pakan ado nan manggaleh sarang katupek, lai banyak dek urang tu duh.
Atau ka anak mixer dikabek an kok latiah lo tangan deknyo
Hal iko untuak mengurangi anyianyo

Ciek kuniang talua ayam ko kocok jo 2 sendok makan gulo pasie
Baiak gulo, pangocok atau galeh sadono harus dlm kondisi kariang
Barulah dikocok sampai mamutiah sambia dimasukkan vanile saketek saangin se

Abuih aia angek sampai manggalagak-galagak bacampua jo teh serbuk nan diseduh tarago talua dikocok
Siapkan sasaik asam sundai atau limau kapeh
Katiko kocok an talua alah mamutiah masuak an saketek saketek aia angek teh manggalagak tadi jo parehan limau sambia diaduak-aduak.

Minum jo caro disruput katiko masih angek tu
Salamaik mancubo

Tapi kok panek lo mambueknyo, ambiak kunci pagageh se pai ka lapau simpang
Pasan ciek nan balanjuang ruoknyo
Jadi pipetnyo bisa ditagak an

Wassalam
Rina

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: